Кніжная выстава да Міжнароднага дня роднай мовы

 

Турнір "Знаўцы роднай мовы"

 

        “Родная мова, быццам цэмент, звязвае людзей. Яна дае ім найлепшы спосаб разумець адзін аднаго, адной думкай жыць, адной долі шукаць”, - так пісала пра родную мову Цётка.

      У Міжнародны дзень роднай мовы бібліятэкарамі ўстановы адукацыі для дзяцей 5 “В” класа быў арганізаваны турнір “Знаўцы роднай мовы”. Змагаліся тры каманды “Буслік”, “Валошкі”, “Вясёлка”. Удзельнікі выконвалі прапанаваныя заданні: складалі і тлумачылі прыказкі, гулялі ў рыфмы, “разглядалі” бабулін куфэрак, тлумачылі значэнне фразеалагізмаў, выконвалі яшчэ многа цікавых і пазнавальных заданняў. Прайграўшых у турніры не было, усе ўдзельнікі атрымалі салодкія падарункі. Падчас мерапрыемства прагучалі ўрыўкі з вершаў на беларускай мове, бібліятэкары наладзілі выставу кніг беларускіх пісьменнікаў, накіраваную на папулярызацыю беларускай мовы і літараруры сярод падрастаючага пакалення, на выхаванне павагі і любові да роднага слова. У завяршэнні мерапрыемства прагучалі заключныя і важныя словы, што беларуская мова заслугоўвае таго, каб яе любілі, ганарыліся ею і размаўлялі.

Квест-гульня "Ганарымся роднай Беларуссю"

        8 лютага ў 3-х класах прашла квэст-гульня «Ганарымся роднай Беларуссю». Веды аб Беларусі дзецям неабходны, таму што яны тут нарадзіліся і жывуць. А кожны беларус проста павінен ведаць аб сваёй Радзіме больш, чым турысты, якія наведваюць нашу краіну. Мы павінны штодзённа цікавіцца навінамі Беларусі, ведаць падзеі, якія тут абдываюцца. Наша сённяшняя гульня паглыбіла і праверыла веды дзяцей пра іх Радзіму.

        У працэсе мерапрыемства дзеці выконвалі наступныя заданні: “Беларусь – мая дзяржава”, “Знакамітыя асобы Беларусі”, “Раслінны свет Беларусі”, “Жывёлы Беларусі”, “Музычная старонка” і “Этнаграфічны куточак”.

       Пры выкананні задання “Беларусь – мая дзяржава” дзеці разгадалі крыжаванку і растлумачылі сэнс цэнтральнага слова “патрыёт”.

    Каб праверыць, як вучні ведаюць знакамітых асоб Беларусі, трэба было суаднесці партрэты са словамі на дошцы. У іх гэта хутка атрымалася.

        На трэцім заданні “Раслінны свет Беларусі” было прапанавана скласці калаж з кветак, якія растуць у нашай краіне.

         Наша Радзіма багата не толькі раслінамі, але і разнастайнымі жывёламі. Дзеці адгадалі загадкі і вывесілі на дошку іллюстрацыі жывёлы-адгадкі.

         На заданні “Музычная старонка” вучні паслухалі відэаролік музычнага гурту “Дразды” з песняй “Сланечнік” і таксама ўспомнілі другіх спевакоў Беларусі.

         На станцыі “Этнаграфічны куточак” дзеці пазнаёміліся з асаблівасцямі жыцця і быта жыхароў нашай мясцовасці.

   Пры выкананні кожнага задання вучні атрымлівалі пазлы. У канцы мерапрыемства настаў час скласці з іх карту нашай Радзімы – Рэспублікі Беларусь, прыгожай, любімай і незалежнай.